अफगानिस्तानको राजधानी काबुलमा पाकिस्तानको वायुसेनाले एक लागूऔषध दुव्र्यसनी उपचार अस्पताललाई लक्षित गर्दै हवाई आक्रमण गरेको छ। अफगान अधिकारीहरूले कम्तीमा ४ सय व्यक्तिको मृत्यु र करिब २५० घाइते भएको पुष्टि गरेका छन्।
अफगान सरकारका उपप्रवक्ता हमदुल्लाह फितरतले सोमबार सामाजिक सञ्जाल एक्समा जारी गरेको विज्ञप्तिमा अस्पतालमा राति करिब ९ बजे भएको आक्रमणले २ हजार शय्याको ओमिद एडिक्सन ट्रिटमेन्ट अस्पताललाई ध्वस्त पारेको जानकारी दिएका छन्।
पाकिस्तानले भने आक्रमणलाई खण्डन गर्दै अफगानिस्तानमा आतंकवादी पूर्वाधार र सैन्य प्रतिष्ठानलाई लक्षित गरिएको बताएको छ।
