काठमाडौं । चिलिमे जलविद्युत् आयोजनाको सुरुङभित्र तीन जनाको शव फेला परेको छ ।
सुरुङको अन्तिम किनारासम्म खोजी कार्य गर्दा ३ वटा शव फेला परेको नेपाली सेनाले जनाएको छ ।
चिलिमे जलविद्युत् आयोजनाको सुरुङभित्र फसेकाहरूको उद्धारका लागि विदेशीसहितको संयुक्त खोज तथा उद्धार टोलीले उपलब्ध जनशक्ति परिचालन खोजी कार्य गरिरहेको छ । सुरुङको करिब १३० मिटरसम्म खोजी गर्दा पानीको सतह टनेलको माथिल्लो भागसम्म पुगेको थियो । बुधबार गोताखोरसहितको टोलीले उक्त क्षेत्रमा खोजी कार्य गर्दा ३ वटा शव फेला पारेको सेनाले जानकारी दिएको छ । सो क्षेत्रमा थप खोजी कार्य भइरहेको छ ।