काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने भारत प्रस्थान गर्नुभएको छ । पाँच दिने भ्रमणको लागि सभापति लामिछाने सोमबार नयाँ दिल्ली प्रस्थान गर्नुभएको हो । भारतीय जनता पार्टी (भाजपा) का अध्यक्ष नीतिन नवीनको निमन्त्रणामा उहा भारत जानुभएको हो ।
रविसँगै उहाकी पत्नी निकिता, पार्टीका सहमहामन्त्री विपिन आचार्य, सचिवालय सदस्य दीपक बोहरा र प्रदीप आचार्य भारत जानुभएको छ ।
नयाँ दिल्लीमा सभापति लामिछानेले उच्चस्तरीय राजनीतिक तथा कूटनीतिक भेटघाट गर्ने जनाइएको छ । भ्रमण सकेर लामिछाने जेठ २२ गते स्वदेश फर्कने तय भएको छ ।
