चितवन राष्टिय निकुञ्जमा पाँच महिनाको अवधीमा ५४ वन्यजन्तु मरे

चितवन राष्ट्रिय निकुञ्जमा पाँच महिनाको अवधीमा ३२  चित्तल सहित ५४ वन्यजन्तु मरेका छन् । प्राकृतिक कारण २७ र कुकुरको आक्रमणबाट २१ वटा बन्यजन्तु मरेका निकुञ्जको तथ्याङ्कमा उल्लेख छ ।

बन्यजन्तु एकआपसमा जुधेर, सडक दुर्घटनामा परेर, विद्युत् करेन्ट लागेर, दलदलमा परेर, अन्य कारणले दुई  जनावर मरेको निकुञ्जका सूचना अधिकारी गणेशप्रसाद तिवारीले बताउनुभयो । तीमध्ये प्राकृतिक कारणले १०, कुकुरको आक्रमणमा परि २०, दलदलमा परेर र सडक दुर्घटनामा परि एक÷एक क्षेत्रभित्र पाँच गैँडा मरेको उहाँले जानकारी दिनुभयो । तीन प्राकृतिक कारणले मरेका छन् भने जुधेर र करेन्ट लागेर एक÷एक गैँडा मरेको उहाँले बताउनुभयो । घडीयाल गोही र गौरीगाई तीन÷तीन  प्राकृतिक कारणले मरेको निकुञ्जको तथ्याङ्कमा उल्लेख गरिएको छ ।

हात्ती, जरायो, बँदेल, कछुवा दुई÷दुई वटा पाँच महिनाका अवधिमा मरेको निकुञ्जले जनाएको छ । चितुवा, लगुना र धनेस एक÷एक वटा मरेका छन् । यस आर्थिक वर्षमा चोरी सिकारीले वन्यजन्तु मार्न नपाएको चितवन राष्ट्रिय निकुञ्जले जनाएको छ । निकुञ्जको सुरक्षा योजनासँगै समुदायमा आएको सचेतनाका कारण जनावर चोरी सिकारी मार्न नसकेको निकुञ्जले उल्लेख गरेको छ ।