उदयपुरमा एकै परिवारका तीन जनाको हत्या

अन्जनी कुमार अधिकारी , उदयपुर  । उदयपुर जिल्लाको बेलका नगरपालिका वडा नं। ७ गौधाटार मैनामैनीमा एक जनाले शुक्रबार एकै परिवारका तीन जनालाइ धारिलो हतियार प्रयोग गरि हत्या गरेका छन । 
घरबाट खेती तर्फ जाँदै गरेका स्थानिय  ३७ बर्षिय राजकुमार बस्नेत, उनकी श्रीमती ३० बर्षिया सरिता बस्नेत र १२ बर्षिय छोरा सुजन बस्नेतको धारिलो हतियार प्रयोग गरी हत्या भएको हो।  
हत्या लगत्तै फरार रहेका आरोपित ४० बर्षिय नरबहादुर बस्नेतलाइ प्रहरीले सोही नगरपालिका वडा नं ६ बरबोटेबाट नियन्त्रणमा लिइएको जिल्ला प्रहरी कार्यालय उदयपुरका सूचना अधिकारी डिएसपी राकेस पोदारले जानकारी दिए । 
आरोपितले राजकुमारलाइ खेतिमा जाँदै गरेको अबस्थामा चौवाटे कुलो र आमा छोरालाइ स्थानिय बबिङ खोलामा खुकुरी प्रहार गरि हत्या गरेको उनले बताए । 
घटना किन र कसरी भयो भन्ने कारण बारे केही खुलेको छैन । घटना स्थल तर्फ प्रहरी निरीक्षकको नेतृत्वमा टोलि भर्खरै गएकोले थप विवरण आउन बाकी रहेको उनले बताए।