पोखरा । कास्कीको पर्यटकीय गाउँ घान्द्रुकमा सोमबार जीप दुर्घटना हुँदा जीप चालकसहित आठ जनाको घटनास्थलमै मृत्यु भएको छ । पोखराबाट घान्द्रुक जाँदै गरेको ग १ ज ६९०० नम्बरको बोलेरो जीप घान्द्रुकको बलाभीरमा दुर्घटनामा परेको हो ।
जीपमा चालक खुशीमान क्षेत्रीसहित ९ जना यात्रु सवार भएकामा ती मध्ये एक जनाको जीवितै उद्धार गरिएको स्थानीयले बताएका छन् । जीवितै उद्धार गरिएका यात्रु भीरमा अड्किएको अवस्थामा भेटिएको बताइएको छ । अहिले घटनास्थलमा स्थानीयबासी र प्रहरीले उद्धार गरिरहेका छन् ।
मृतकहरुको सनाखत हुन सकेको छैन । दशैंको छुट्टिमा पदयात्रामा हिंडेकाहरु दुर्घटनामा परेको बताइएको छ । काठमाडौंबाट घान्द्रुक घुम्न आएकाहरु दुर्घटनामा परेका बताइन्छ ।
मृतकको शव क्षतविक्षत भई चिन्नै नसकिने अवस्थामा रहेको प्रहरीले बताएको छ ।
यो समाचार पढेर तपाईको प्रतिक्रिया के छ?