अमेरिकामा गोली चल्यो, तीन फुटबल खेलाडी मारिए

काठमाण्डौ । अमेरिकाको भर्जिनिया विश्वविद्यलायको विद्यार्थी सवार बसमा गोली प्रहार हुँदा ३ जनाको मृत्यु भएको छ ।युनिभर्सिटी अफ भर्जिनियाका विद्यार्थीले भरिएको गाडी स्थलगत भ्रमणबाट फर्किएपछि बस पार्किङमा रोक्दै गर्दा अन्धाधुन्ध गोली प्रहार भएको हो । गोली लागेर मृत्यु भएका ३ नै जना विश्वविद्यालयका फुटबल टिमका खेलाडीहरु रहेको जनाइएको छ ।

मारिनेहरूमा भर्जिनिया बीचका दोस्रो वर्षका विद्यार्थी डेभिन चन्डलर, फ्लोरिडाको मियामीका चौथो वर्षका विद्यार्थी डिसेन पेरी र रिच हिल, साउथ क्यारोलिनाका तेस्रो वर्षका विद्यार्थी लाभेल डेभिस रहेका छन्।सोही घटनामा २ जना घाइते भएका छन् ।घटना लगत्तै पक्राउ परेका बन्दुकधारी सोही विश्व विद्यालयका २२ वर्षीय एक विद्यार्थी रहेको खुलेको छ ।